MASAKRUAN TË BURGOSURIN/ Ministria e Drejtësisë: të nisë URGJENT hetimi …

Pas ngjarjes së paradites së djeshme, që u raportua në mediet shqiptare për rastin e dhunimit fizik të një të dënuari në IEVP Fushë Krujë (Adriatik Lala) kanë reaguar mëngjesin e sotëm Ministria e Drejtësisë, dhe Komuniteti i Helsinkit.

Të dy institucionet kanë deklaruar nisjen e hetimeve për dy të dyshuarit, duke marrë parasysh ngjarjen e rëndë që ka ndodhur.

Ngjarja e rëndë është raportuar dje rreth orës 09:30 në institucionin e Policisë së Shtetit (dhe menjëherë në mediet shqiptare), për një rast masakrimi (dhunë fizike dhe psikologjike) ndaj një të dënuari, identiteti i të cilit u shfaq për mediet si Adriatik Lala.

Efektivët e Policisë që kanë shkaktuar dhunën janë Agron Babasi dhe Ervis Beshi.

Lala konfirmohet nga vendimi i marrë i Gjykatës së Tiranës se është dënuar me katër vjet e gjashtë muaj heqje lirie (dhe dënimin do ta kryente në IEVP Fushë Krujë).

Vendimin e Gjykatës i cili është ky mëposhtë.

1.Deklarimin fajtor të të pandehurit Adriatik Fadil Lala per kryerjen e vepres penale te “Vjedhjes me dhunë”, e mbetur në tentativë, të parashikuar nga nenet 139-22 të Kodit Penal dhe në bazë të kësaj dispozite denimin e tij me 4 (kater) vjet e 6 (gjashte) muaj burgim.

2.Deklarimin fajtor të të pandehurit Adriatik Fadil Lala per kryerjen e vepres penale te “Vjedhjes”, e mbetur në tentativë, të parashikuar nga nenet 134/1-22 të Kodit Penal dhe në bazë të kësaj dispozite denimin e tij me  6 (gjashte) muaj burgim.

3.Në aplikim të nenit 55 të Kodit Penal në bashkim të dënimeve dënimin e të pandehurit Adriatik Fadil Lala përfundimisht me 4 (katër) vjet e 6 (gjashte) muaj burgim.

4.Në bazë të nenit 406 të K.Pr.Penale, i ulet 1/3 e masës së dënimit dhe e dënon përfundimisht të pandehurin Adriatik Fadil Lala me  3 (tre) vjet burgim.

5.Vuajtja e këtij dënimi do të fillojë nga dita e arrestimit në flagrancë dt. 20.03.2017 dhe në bazë të ligjit 8328 dt.16.04.1998 i ndryshuar pjesa e mbetur të vuhet në një burg të sigurisë së zakonshme.

Ndërkohë që dyshimet e para janë për dy punonjës të sigurisë në këtë institucion (përkatësisht për Agron Babasin dhe Ervis Beshin). Të dy punonjës policie në IEVP Fushë Krujë.