Mazniku flet sapo del nga SPAK-u: Dhashë shpjegim për një çështje

Ministri i Shtetit për Pushtetin Vendor, Arbjan Mazniku, ka përfunduar dëshminë në Prokurorinë e Posaçme.

Dëshmia e tij ka zgjatur rreth 3 orë, ndërsa Mazniku ka qenë i rezervuar para mediave.

“U thirra për një çështje për të cilën dhashë shpjegim”, tha ai, por nuk tregoi se për cilën çështje bëhej fjalë.

Burime bëjnë me dije se ministri i Shtetit për Pushtetin Vendor është thirrur në lidhje me dosjen “5D”.

Kujtojmë se më herët Mazniku ka mbajtur edhe postin e nënkryetarit të Bashkisë së Tiranës.