Mbyllet faqja e memeve “Brryli Broadway”

Sagës së mediave dhe faqeve të mbyllura në këto ditë trazirash nga tërmetet i është shtuar edhe faqja e memeve “Brryli Broadway”.

Nuk dihet çfarë e ka shkaktuar mbylljen e faqeve të memeve, të cilën kryeministri Edi Rama e lëvdonte dhe e quante “nona”.

Ndërkohë gjatë ditës së sotme është mbyllur edhe portali “Dosja.al”, siç pretendohet nga drejtuesi i saj, Enton Abilekaj, nga një kompani private.

Kujtojmë se dy ditë më parë stafi i faqes së “JOQ” dha lajmin se domain i tyre ishte bllokuar duke, e etiketuar këtë sipërmarrje si një sulm politik.

Ndërkohë, më herët, Policia e Shtetit njoftoi se se nga ana e saj ishin proceduar Erland Dalliu dhe Gentian Çengelin, administratorë të faqes “Jeta Osht Qef”, pasi kishin lejuar përhapjen e panikut, me lajme destabilizuese, pas tërmetit që goditi vendin.