Mbyllja e shkollave, reagon Basha: Shteti të kompensojë një nga prindërit që duhet të kujdeset për fëmijët

Basha thotë se shteti duhet të kompensojë një prind në marrëdhënie pune që duhet të kujdeset për fëmijët e vegjël gjatë kohës që institucionet qrsimore janë mbyllur.

Vendimi i qeverisë erdhi pasi Ministria e Shëndetësisë njoftoi për dy të infektuarit e parë nga koronavirusi në vendin tonë, që ndodhen të shtruar në QSUT.

Reagimi i Bashës në twitter:

Pas vendimit për mbylljen e shkollave, kopshteve dhe çerdheve, duhet që shteti të paguajë apo kompensojë me vlerë të plotë një nga prindërit në marrëdhënie pune që duhet të kujdeset për fëmijët e vegjël gjatë kohës që çerdhet, kopshtet dhe shkollat qëndrojnë të mbyllura.