Media në Shqipëri nën kërcënime”, Ambasada holandeze në Shqipëri paralajmëron: Veprime konkrete për lirinë e shtypit dhe luftën ndaj korrupsionit

0 Mars, 2023 14:22

Ambasada e Holandës në Shqipëri deklaron se media në Shqipëri është nën kërcënime.

Teksa po organizon së bashku me SHBA samitin për demokracinë, ambasada holandeze thotë se ky event synon të ndërmarrë veprime konkrete në fushën e lirisë së shtypit dhe luftës ndaj korrupsionit

“Holanda po bashkëorganizon samitin për demokracinë së bashku me SHBA-në.
Ky event synon të ndërmarrë veprime konkrete në fushën e lirisë së shtypit dhe luftës ndaj korrupsionit.
Në momente vendimtare ku media në Shqipëri ka qenë nën kërcënime, është e rëndësishme të theksohet se ndërtimi i modeleve të financimit, standardeve të industrisë dhe politikave publike për të mbështetur qëndrueshmërinë e organeve mediatike është thelbësore.🗞️ Liria e Medias = Demokraci”, shkruan ambasada holandeze.

Ambasada holandeze nuk është institucioni i parë perëndimor që flet për situatën e rëndë ku ndodhen mediat në vend.