Mediat britanike: Stjuardesa e “Air Albania” vdes në aeroportin Stansted

Mediat britanike bishopsstortfordindependent.co.uk, shkruan se ka vdekur një 24-vjeçare, anëtare e ekuipazhit të kabinës së Air Albania.

Ajo dyshohet se ka ndërruar jetë pasi është rrëzuar gjatë një fluturimi për në aeroportin Stansted.

Lajmi është konfirmuar nga shërbimi i Ambulancës Lindore të Anglisë, të cilët pretenduan se gruaja u sëmur rëndë në bordin e shërbimit nga Tirana.

Bëhet e ditur se avioni u ul në pistë rreth orës 13:00 të së mërkurës më 21 dhjetor siç ishte planifikuar.

Edhe pse shërbimi i ambulancës e dërgoi të renë me urgjencë në spitalin Princess Alexandra në Harlow, mësohet se ajo nuk ka mbijetuar.

Ende nuk dihet identiteti i stjuardesës dhe shkakun e vdekjes së saj.