Merret në mbrojtje efektivi i policisë

Policia ka marrë në mbrojtje efektivin me inicialet K.G., fotografia e të cilit u gjet në telefonin e serial-killerit Nuredin Dumani, që tashmë nën statusin e të penduarit të drejtësisë ka “hapur kutinë e Pandorës” për grupet kriminale me të cilat ka bashkëpunuar.

Mesohet se  është marrë në mbrojtje që prej ditës së shtunë.

Oficeri K.G. ka hetuar disa nga ngjarjet kriminale në Elbasan, po ashtu edhe ngjarjet ku porositës dyshohet shtetasi Erion Alibej.

Efektivi me inicialet K.G. ka qenë më herët me detyrë oficer policie në Elbasan.

Do të jenë hetimet e mëtejshme që do të hedhin dritë mbi këtë rast për të mësuar nëse efektivi i Policisë ka qenë në listën e personave që duhej të ekzekutoheshin nga ana e grupit të Dumanit dhe nëse rezulton e vërtet kush ka qenë i interesuar për ‘punën’ e radhës së ‘togës së vdekjes’.