Merret vendimi, çmimi i naftës në çdo pikë furnizimi sot do të jetë 217 lekë

Bordi i Administrimit të Karburantit ka vendosur që çmimi i naftës sot në çdo pikë furnizimi të jetë 217 lekë.

Burime bëjnë me dije për Panorama.al se vendimi është marrë në mbledhjen e sotme me prezencë fizike.

Bordi u krijua një ditë më parë me vendim qeverie pas protestave masive që kanë nisur në të gjithë vendin.

Kryeministri Edi Rama ka deklaruar se çmimet do të kalojnë në filtrin e transparencës, për të mos lejuar asnjë abuzim në kurriz të qytetarëve dhe marzhi i fitimit do të ngrijë.

Sipas tij kjo nuk është kohë për të nxjerrë fitime por për për të rezistuar të gjithë së bashku