Merret vendimi: KLGJ-ja largon Ardian Dvoranin si gjyqtar në Gjykatën e Lartë, ikën edhe si kryetar i KED-së
Këshilli i Lartë Gjyqësor ka vendosur mbarimin e mandatit të Ardian Dvorani, si gjyqtar në Gjykatën e Lartë, rrjedhimisht edhe nga drejtimi i Këshillit të Emërimeve në Drejtësi.
Mësohet se anëtaret kanë vendosur me 6 vota pro përfundimit të mandatit ndersa 3 prej tyre kanë qenë kundër.
Me largimin e Dvoranit, bëhet me dije se në krye të KED do të jetë Vitore Tusha.
Më herët, gjatë mbledhjes relatorja e çështjes Marcela Shehu gjatë seancës u shpreh se qendrimi në detyrë mbi afate cenon dhe vë në rrezik parimet e kushtetutës.
Ndërsa anëtari tjetër Alban Toro ka deklaruar se Këshilli duhet të shprehet, të konstatojë mbarimin e detyrimit të Dvoranit për të qëndruar në Gjykatën e Lartë.
Sakaq edhe Brikena Ukperaj është shprehur kundër largimit të Dvoranit, duke theksuar se detyrimi i tij për të qendruar në Gjykatën e Lartë nuk ka mbaruar.
Sipas Ukperajt, në asnjë despozitë nuk gjen parashikimin që Dvorani don të zëvendësohet nga një anëtarë i dytë apo i tretë.
Kujtojmë që më herët, ka qenë presidenti Ilir Meta që i ka kërkuar KLGJ dhe Gjykatës së Lartë, të shpallin përfundimin e mandatit të gjyqtarit Dvorani.
Keni një histori? Denonco anonimisht, identiteti juaj mbrohet.
Denonco
