Merrnin kredi me dokumenta të falsifikuara, arrestohet 33 vjeçari nga Tirana

Sipas Policisë, në vijim të punës për goditjen e veprimtarisë kriminale në fushën e falsifikimit të dokumenteve dhe mashtrimit në kredi, është finalizuar operacioni i koduar “Kredia-4”, si rezultat i të cilit u bë ndalimi i shtetasit:

-Hamet Lushnja, 33 vjeç, banues në Tiranë. Si dhe u shpall në kërkim shtetasi L. A. (nuk jepen të dhëna tjera për arsye hetimi).

Këta shtetas, në bashkëpunim me njëri-tjetrin dhe me persona të tjerë ende të paidentifikuar, kanë marrë kredi të vogla në institucione mikrofinanciare duke përdorur dokumente të dyshuara të falsifikuara.

Gjithahstu, po punohet për kapjen e shtetasit L. A. dhe për identifikimin e personave të tjerë të përfshirë në këtë veprimtari kriminale.  Materialet i kaluan Prokurorisë së Rrethit Gjyqësor Tiranë, për veprat penale “Mashtrimi në kredi“ dhe “Falsifikimi i dokumenteve.”