Mërtiri tregon ku kanë shkuar miliona euro të inceneratorit të Tiranës

Mirel Mërtiri është kthyer në qesharak. Teksa SPAK-u e ka shpallur në kërkim dhe ka lëshuar urdhër-arrest për të në lidhje me aferën e inceneratorëve, Mërtiri nga arratia thotë se nuk fshihet.

Mërtiri ka deklaruar se nuk u ka bërë bisht autoriteteve si në Shqipëri dhe në Austri.

“Nuk i jemi fshehur drejtësisë. Që në momentin që jemi përballë me akuzat në Shqipëri u jemi drejtuar autoriteteve austriake. SPAK dhe ministria e dinë shumë mirë pozitën time juridike në Austri. Unë kam qenë këtu, do jem këtu, sa i besoj drejtësisë austriake. Nuk jam fshehur asnjëherë. Nuk u kam bërë bisht autoriteteve si në Shqipëri, por dhe në Austri”, tha Mërtiri në një emision

Vlera që Mirel Mërtiri pranon se ka marrë koncensionari i inceneratorit të Tiranës është 71 milionë euro.

Edhe pse kjo vlerë thuhet të jetë shumë më e madhe, në një intervistë të “Syri TV”, Mërtiri u pyet se ku ka shkuar vlera që ai deklaron.

Mërtiri refuzon të japë një përgjigje konkrete.

Mirel Mërtiri

Më poshtë gjeni pjesë nga intervista:

Kush është 20 për qind i inceneratorit të Tiranës?

Mërtiri: Kur nuk e di SPAK-u si mund ta kthej unë këtë përgjigje kur çështja është nën hetim.

Këlliçi: Sa është shifra totale? Sa para ka marrë koncensionari i inceneratorit të Tiranës?

Mërtiri: Në dijeninë time deri në vitin 2022 vlera totale është 7 miliardë e 871 milionë lekë, që i bie 71 milionë euro.

Peka: Sa keni marrë nga bankat?

Mërtiri: Po e pësëris edhe një herë dhe nuk dua të bëj lojëra. Numrat që sapo thatë, në dijeninë time nuk ekzistojnë. Herën tjetër këtë merreni si akuzë ndaj meje.

Peka: Pra ju thoni që nëse këto shifra ekzistojnë e merrni si akuzë ndaj jush?

Mërtiri: Po. Këto janë akuza politike. Nuk e di sa ka marrë saktësisht shoqëria nga banka. Numrat që thoni nuk janë të vërteta.

Peka: Janë të dhëna nga thesari i shtetit. Ku kanë shkuar paratë?

Mërtiri: Unë nuk e konfirmoj atë shifër.

Këlliçi: Nëse marrim vlerat që ju dhatë ku kanë shkuar 71 milionë euro?

Mërtiri: Për impiantin e përpunimit të mbetjeve në Tiranë.