Meta përkujton çlirimin e Kosovës me pamjet e rralla të NATO-s: Dhjetra mijëra heronj dhanë jetën për lirinë

Me anë të një postimi në ‘facebook’ Meta ka publikuar pamje të rralla të trupave të NATO-s, teksa ecin mes popullit kosovar, pas çlirimit.

Sakaq, presidenti shkruan se duhet kujtuar me nderim jeta dhe vepra e presidentit Ibrahim Rugova dhe Komandantit legjendar Adem Jashari, djemtë dhe vajzat e UÇK-së dhe heronjëve që dhanë jetën për Kosovën.

“Sot, në 21-vjetorin e Çlirimit të Kosovës, kujtojmë me nderim të jashtëzakonshëm jetën dhe veprën lapidare të Presidentit historik Ibrahim Rugova dhe Komandantit legjendar Adem Jashari, djemtë dhe vajzat e UÇK-së, si dhe dhjetëra e mijëra Heronj e Dëshmorë që dhanë jetën për Kosovën Republikë, në paqe, të lirë, të pavarur, sovrane dhe demokratike, me orientim të qartë perëndimor, në bashkëpunim e fqinjësi të mirë me të gjithë në rajon.

Përjetë mirënjohës dhe falenderues për NATO-n dhe Shtetet e Bashkuara, që çështjen e lirisë së Kosovës, e bënë çështje të dinjitetit të tyre!” shkruan Meta.