“Mezi po pres të flas”! Veliaj nga paraburgimi: Do të jetë breaking news

Kryebashkiaku i Tiranës, Erion Veliaj, i arrestuar që prej 10 shkurtit dhe ndodhur në paraburgimin e Durrësit, ka lëshuar një tjetër mesazh sfidues nga rrjetet sociale. Në një video të publikuar në “TikTok”, ai shkruan në anglisht: “Kur unë të flas, do të jetë breaking news.”

Veliaj shton më tej: “Mezi po pres, se ju e dini që kur flas, flas shumë.”

SPAK ka ngritur ndaj tij dhe bashkëshortes Ajola Xoxa akuza për korrupsion dhe pastrim parash, të cilat ata i mohojnë, duke i konsideruar si sulme politike. Hetimi pritet të përfundojë brenda shtatorit.