Mijëra banorë në Gjermani evakuohen për shkak të zjarrit
Një zjarr i fuqishëm ka rënë në një terren pyjor 50 kilometra larg Berlinit në Gjermani. Mbi 300 zjarrfikës po luftojnë me flakët, që përhapen me shpejtësi për shkak të erës së fortë dhe terrenit pyjor.
Lidhur me situatën e rrezikshme të krijuar në zonë, autoritetet kanë nisur evakuimin e banoreve të 3 fshatrave që rrezikohen.
Një zyrtar lokal tha se në këtë zonë nuk ka pasur kurrë më parë zjarr të përmasave të tilla.
Mot me shi parashikohet në Berlin, por meteorologët nuk mund të thonë me saktësi nëse reshjet do të prekin edhe territorin që po shkrumbohet nga flakët.
Dje ky zjarr dogji një hapësirë sa 400 fusha futbolli
Keni një histori? Denonco anonimisht, identiteti juaj mbrohet.
Denonco
