Miku i Ramës dhe Sadri Abazi marrin 1.8 MLD lekë nga Shkreli pa garë

Kristian Shkreli, kryetari i Bashkisë Vau i Dejes, e ka nisur mbrapsht këtë mandat mbrapsht, pasi po bënë shpenzime të pakontrolluara. Ai ka planifikuar të ndërtojë një palestër në ambientet e Shkollës së Mesme të Bashkuar Mjede, të cilës në vitin 2021 iu dha emri i mësuesit dhe ish -drejtorit të ndjerë ‘’Hasan Meti’’.

Më konkretisht, bëhet fjalë për tenderin me objekt “Rikonstruksion i shkollës dhe ndërtim palestre Mjede”, për të cilën do të shpenzohen 1.8 miliardë lekë.

Për të justifikuar këtë shifër të lartë shpenzimesh, Shkreli ka përfshirë edhe rikonsturksion godine, lyerjen e fasadës. Në fakt duket në foton e këtij viti fasada e kësaj shkolle është në gjendje të mirë.

Por, tejkalime të tilla janë bërë për të çuar këtë shumë parash në duart e biznesmenëve, që ishin planifikuar më herët nga Shkreli. Sikur duket në dokument për këtë tender kanë shfaqur interes 7 kompani të ndryshme, por 3 prej tyre nuk kanë paraqitur një ofertë, ndërsa të vetmen ofertë më të lirë Shkreli e përjashtoi nga gara.

Kështu si pa rënë në sy tenderi mbeti në duart e bashkimit të operatorëve LODI CONSTRUCTION” shpk & “ALKO-IMPEX General Construcion” d.sh.h & “2 T” shpk, pronarët e të cilave janë mjaftë të njohura në aferat e tenderëve.

LODI CONSTRUCTION” shpk është në pronësi të Lazer Letjas, ndërsa firma “2 T” shpk drejtohet nga Artan Sako dhe Dritan Troksi . Ata e themeluan këtë firmë në vitin 2000, por asaj kohe kompania mbahej vetëm me disa leje ndërtimi.

Lulëzimi i saj filloi pas vitit 2013 kur erdhi në pushtet Edi Rama. Kjo kompani ka ndërtuar një godinë në pronësi të familjes së Linda Rama (Basha), në vitin 2012.

Ndërkohë Vëllai i Artan Sakos është Gramoz Sako, komandanti i Gardës së Republikës, i emëruar prej Ramës që në vitin 2013.Prandaj edhe sot, kjo firmë vazhdon të vjelë tenderët që kanë më fondin limit më të lartë.

Sakaq, firma bashkëpunëtore “ALKO-IMPEX General Construcion” d.sh.h është edhe më e njohur. Ajo është në pronësi të Arbër Abazit, por pas saj qëndron ish-deputeti Sadri Abazi. I cili ka lidhje të forta me institucionet, madje shpesh herë gjen konsensus edhe me Rilindjen. Këto miqtë pranë qeverisë iu siguruan atyre tenderin 1.8 miliardë lekë pa garë për ndërtimin e palestrës së shkollës.