Ministri Balla prezanton kreun e ri të IKMT: Ndërtimet e paligjshme problematikë e mprehtë

Ministri i Brendshëm Taulant Balla prezantoi sot Kryeinspektorin e ri të IKMT-ss, Ervin Hoxha, në një ceremoni ku morën pjesë drejtuesit qendrorë e vendorë të IKMT. Ervin Hoxha pason në këtë detyrë Agim Ismailin.

Balla tha se duhet punuar për të nisur një rrugëtim të ri, pavarësisht se rezultatet janë. Kjo punë duhet të nisë, tha ai, me fushën e kompetencave për të shmangur mbivendosjet me punën e Policisë së Shtetit.

“Çështja e ndërtimeve pa leje mbetet një problematikë e mprehtë dhe fokusi duhet të jetë parandalimi, pa toleruar asnjë rast të ndërtimeve pa leje, pasi rastet nuk kanë munguar as në qendër të Tiranës”, tha Balla.