Ministri Malaj flet për Projektbuxhetin e 2025: Përmbush dy objektiva themelore

Ministri i Financave Petrit Malaj ka deklaruar sot në komisionin e Ekonomisë së projektbuxheti i vitit 2025 përmbush dy objektiva themelore, ekonominë e qëndrueshme dhe konsolidimin fiskal.

Malaj tha se, projektbuxheti materializon një sërë politikash buxhetore dhe projekte investimesh të përgjithshme.

“Sa i përket projektbuxhetit që do të shqyrtohet sot nga kuvendi përmbush 2 objektiva themelore ekonominë e qëndrueshme dhe konsolidimi fiskal.

Materializon një sërë politikash buxhetore dhe projekte investimesh të përgjithshme.

Ekonomia shqiptare ka treguar rezistencë të fortë pas goditjeve të njëpasnjëshme.Sot ekonomia shqiptare ka një trend pozitiv.

Rritja ekonomike ka përfshirë një sektor të gjerë, atë të shërbimeve dhe të ndërtimit”, tha Malaj.