Ministrja Albana Koçiu shkarkon zv/ministrin për një cigare duhan

Vetëm pak ditë pas betimit në Presidencë, ministrja e re e Brendshme, Alban Koçiu, ka marrë një vendim të fortë që në fillim të mandatit të saj. Ajo i ka propozuar qeverisë shkarkimin e zëvendësministrit Andi Mahila, i cili mbante këtë post që prej janarit 2021.

Shkaku i masës së menjëhershme ka qenë një denoncim qytetar: Mahila ishte fotografuar duke konsumuar cigare brenda një ambienti të mbyllur, në kundërshtim të plotë me ligjin që ndalon pirjen e duhanit në hapësira publike të mbyllura. Pas verifikimit të rastit, Koçiu ka propozuar menjëherë lirimin e tij nga detyra, vendim që më pas është miratuar nga qeveria.

Në një veprim që tregon transparencë dhe vendosmëri, ministrja e re ka njoftuar personalisht qytetarin që kishte bërë denoncimin, duke e informuar për përfundimin e procesit dhe marrjen e masës disiplinore.

Ky është vendimi i parë i madh i Alban Koçiut si ministre e Brendshme, një sinjal i qartë se ligji do të zbatohet pa asnjë kompromis, pavarësisht funksionit apo pozitës së personave të përfshirë.