Rama argëton shqiptarët në Itali me Artjola Toskën, Alban Skënderajn dhe Elvana Gjatën.
Takimi i kryeministrit Rama me emigrantët në Itali nisi me një dokumentar ku u treguan të gjitha vështirësitë, që populli ynë ka kaluar.
Në fjalën e tij, kreu i qeverisë tha se “shqiptarët në Itali janë pararoja e bashkimit me Evropën.
“Ju emigrantët e djeshëm shqiptarë dhe qytetarët e barabartë të Evropës së sotme jeni krenaria për bashkimin e Shqipërisë me Evropën”, tha Rama.
Rama: Ju shqiptarët e Italisë jeni shëmbëlltyra më rrezatuese e pararojave shqiptare të ribashkimit me Evropën. Ju jo politika, jo media, as biznesi, jeni përbashkuesit më kryesore të dy brigjeve të Adriatikut. Ju jeni fuqia më e madhe e Arbërisë së vjetër dhe Shqipërisë së re. Ju emigrantët e djeshëm shqiptarë dhe qytetarët e barabartë të Evropës së sotme jeni krenaria për bashkimin e Shqipërisë me Evropën.
Edhe pse pjesëmarrësit duket se janë urdhëruar që të qëndrojnë të ndarë të mbushin edhe sheshin që të duken sa më shumë prapë salla e Milanos ku është i përqendruar edhe komuniteti më i madh i shqiptarëve ne Itali, nuk u mbush.
Në këtë takim kryeministri Rama shoqërohet nga bashkëshortja e tij, Linda, ministra të kabinetit qeveritarë, dhe kryetarë bashkish.
Në Milano, Rama ka marrë edhe një ‘arsenal’ me këngëtarë të famshëm, që kanë një faturë të kripur për shërbimet e tyre.
![Propagandë mijëra euro, Rama argëton shqiptarët në](https://r2.cdnimpuls.com/pamfleti.net/media3/1716720583xgsgsdgsd-346.jpg)
Artjola Toska
Gjithsesi kjo nuk e shqetëson kryeministrin Rama, sepse këto para nuk dalin nga xhepat e tij, por nga taksapaguesit shqiptarë.
![Propagandë mijëra euro, Rama argëton shqiptarët në](https://r2.cdnimpuls.com/pamfleti.net/media3/1716720604xsfasf-677.jpg)
Elhaida Dani
Takimi u hap me himin kombëtar dhe më pas vijoi direkt nga këngëtarja e Artjola Toska.
![Propagandë mijëra euro, Rama argëton shqiptarët në](https://r2.cdnimpuls.com/pamfleti.net/media3/1716720582xfsfafas-449.jpg)
Alban Skënderaj
Më pas në skenë u ngjitën Elhaida Dani, Alban Skënderaj dhe në fund Elvana Gjata.
![Propagandë mijëra euro, Rama argëton shqiptarët në](https://r2.cdnimpuls.com/pamfleti.net/media3/1716720583xfasfasfa-736.jpg)
Elvana Gjata
Ky është dështimi i radhës i Ramës dhe zyrtarëve që i shkojnë nga pas me autobusë e makina. Në Greqi ishte me kollaj të transferohej administrata ndërsa në Milano duket se disa e kanë dredhur pasi kostoja është me e lartë.
Pas Milanos, Kryeministri Rama pritet të takohet dhe me shqiptarë që jetojnë e punojnë në Londër, Mbretëri e Bashkuar dhe Dyseldorf, Gjermani.