MOTI gjatë javës/ Temperaturat zbresin deri në -11 gradë celsius, prezencë akulli në rrugë

Këtë javë vendi ynë do të ndikohet nga kushte të qëndrueshme atmosferike, me mot të kthjellët e kohëzgjatje të orëve me diell por temperatura të ulëta kryesisht në vlerat minimale.

Shërbimi Meteologjik Ushtarak, bën me dije se era do të jetë me drejtim nga kuadrati i veriut me shpejtësi mesatare 1-8m/s, ndërsa përgjatë vijës bregdetare fiton shpejtësi 10-17m/s shoqëruar me valëzimin në dete të forcës 2-3ballë.

Theksojmë se do të ketë prezencë të ngricave të forta në akset rrugore, sidomos në relievet malore. Nuk do të mungojë as prezenca e mjegullës/mjegullinës në orët e mëngjesit në zonat luginore.