Moti i keq ‘pushton’ vendin

Vonesa në nisjen e trageteve drejt Barit, pezullohet lundrimi i anijeve të peshkimit

Durrësi është përfshire nga moti i keq paraditen e sotme. Stuhi me erëra te forta dhe shi e kanë bërë të pamundur qarkullimin e këmbësorëve dhe mjeteve gjatë paradites.

Lundrimi detar është ndërprerë për anijet e peshkimit, ndërsa tragetet nga Durrësi drejt Barit u nisen me 8 orë vonese për shkak te dallgëve që shkonin 6 deri 7 ballë në detin Adriatik.

Burimet nga porti detar i Durrësit bëjnë me dije se situata pritet të përmirësohet pas 24 orësh në Adriatik për lundrimet e mjeteve pa problem.