Mullarë me gënjeshtra nga veriu në jug

Jani Malo

KOHA E NDËRZIMIT TË MUSHKAVE

Gënjejnë portalet dhe kanalet,
gënjejnë bankat dhe reklamat,
gënjejnë politikanët dhe pushtetarët,
gënjejnë deputetët dhe avokatët,
gënjejnë prodhuesit dhe tregtarët,
gënjejnë qytetarët dhe fshatarët,
gënjejnë të urtët dhe të marrët,
gënjejnë të saktët dhe sakatët,
gënjejnë klerikët dhe shkencëtarët,
gënjejnë burrat dhe gratë,
gënjejnë të vdekurit në varr dhe fëmijët në bark.
Nga darka në mëngjes e nga mëngjesi në darkë
gënjeshtra e madhe gënjeshtrën e vogël e mund.
Mullarë me gënjeshtra nga veriu në jug,
vetëm naivët dhe idiotët rropaten tërë jetën
gënjejnë veten dhe, më kot, kërkojnë të vërtetën.