Naftëtarët e Ballshit e Fierit në protestë, nisen në këmbë në drejtim të Tiranës

Askush nuk i degjon në kërkesat e tyre dhe kane vendosur ta vijojnë protesten e tyre. Naftëtarët e Ballisht dhe të Fierit që prej shumë kohësh protestojnë duke kërkuar pagat e tyre dhe pagesen e sigurimeve kanë vendosur të nisen në këmbë në drejtim të tiranës pasi kanë protesstuar gjatë paradites së sotme para prefekturës së fierit.

Protesta është shoqëruar dhe me përplasje verbale mes naftëtarëve dhe kryetarit të sindikatës së naftëtarëve, Kamber Iliazi.

Punonjësit e uzinës së përpunimit të naftës kërkojnë pagat dhe sigurimet shoqërore.

“1200 punëtorë kanë mbetur në mes të rrugës, kërkojme lekët tona, nafta shkon në tregjet europiane dhe ne mbetemi pa bukë” thonë protestuesit.