Napoli fiton 2-1 ndaj Milan në “Diego Armando Maradona” në kryendeshjen e javës së 30 në Serinë A. Vendasit shënuan që në minutën e parë, pas një topi të marrë nga Di Lorenco, Politano tregoi aftësitë e tij sulmuese duke kaluar mbrojtësit e Milanit dhe dërgoi topin në rrjetë.
Në minutën e 20, Lukaku dyfishoi shifrat për Napolin, belgu shënoi pas asistit të marrë nga Billi Gilmur, i cili përfitoi nga nja pasiguri dhe humbje e topit e lojtarëve të Milanit. Ky ishte goli i 400 në karrierë për Romelu Lukakun, një shifër vërtet për t’u duartrokitur. Pjesa e parë u mbyll me shifrat 2-0.
Në minutën e 67, Milani humbi mundësinë e artë për të ngushtuar shifrat. Teo Hernandez depërtoi bukur brenda zonës dhe u pengua nga Frenk Anguisa, arbitri dha penallti për kuqezinjtë. Santiago Gimenez gaboinga pika e bardhë e penalltisë, goditja e tij u ndal me sukses nga Meret.
Holandezi e shleu gabimin pak minuta më vonë, ku pas një asisti fantastik të Teo Hernandez, Gimenez dërgoi topin në portën e mbrojtur nga Meret. Shifrat nuk ndryshuan deri në fund, Napoli fiton 2-1 dhe nuk i ndahet Interit. Zikaltrit kryesojnë me 67 pikë, Napoli i dyti me 3 pikë më pak.
Përsa i përket Milanit, kuqezinjtë renditen në vendin e 9 me 47 pikë, larg çdo objektivi për këtë sezon.
