Ndahet nga jeta mjeku i njohur i Ortopedisë
Është shuar mjeku dhe profesori i njohur Panajot Boga. Lajmin e trishtë për humbjen e tij e kanë dhënë kolegët e profesorit, të cilët shprehin dhimbjen për këtë humbje të mëdha për mjekësinë shqiptare.
Rektori i Universitetit të Mjekësisë, Arben Gjata ka bërë një dedikim prekës për mjekun e njohur,
“Do na mungosh njeriu Panajot Boga, por do mbetet mes nesh profesionisti shembullor me gjithçka na le trashëgimi!
Përveç fëmijëve të tu biologjikë, ke rritur shumë djem e vajza Profesor, prandaj do mbetesh i paharruar!
Të qoftë e blertë lëndina! Homazhet bëhen nesër, 8 Qershor, nga ora 10-13 pranë ambienteve të Fakultetit të Mjekësisë!’, shkruan profesor Arben Gjata.
Një tjetër dedikim prekës për profesor Bogën është bërë edhe nga ish-ministri i Shëndetësisë, Tritan Shehu.
Lamtumire Prof. Dr. Panajot Boga!
Sot eshte nje dite zi per mjekesine e vecanerisht per ortopedine shqiptare, qe humbi mjekun e talentuar e novator, profesorin tone, organizatorin energjik e te kudo gjendur, drejtuesin jete gjate te sherbimit te ortopedise, aplikuesin e guximshem e vizionar te shkences e progresives ne ate fushe kaq te gjere te mjekesise.
Ngushellimet me te sinqerta familjes se tij, kolegeve, bashkepuntoreve te rinj e te dikurshem, miqve, te gjitheve, per kete humbje te madhe.
Keni një histori? Denonco anonimisht, identiteti juaj mbrohet.
Denonco
