Ndahet nga jeta në moshën 59-vjeçare, gazetari dhe diplomati i njohur

Është ndarë nga jeta në moshën 59-vjecare nga një sëmundje e rëndë ish-gazetari dhe diplomati Myftar Gjana dhe ai do të përcillet për në banesën e fundit ditën e sotme në orën 13:00.

I ndjeri ishte ishte një nga drejtuesit kryesor të Lëvizjes studentore në Fakultetin e Inxhinierisë së Ndërtimit dhe pjesëmarrës në grevën e urisë së.

Gjimnazin e kreu në qytetin e Kukësit në vitin 1978, ndërsa studimet e larta i kreu në vitet 1986 – 1991 në Fakultetin e Inxhinierisë së Ndërtimit në Tiranë. Nga viti 1991 – 1992 ka qenë kryeredaktor i gazetës “Kosova”, ndërsa në vitet 1992 – 1996 ka punuar në Ministrinë e Punëve të Jashtme si drejtor i Drejtorisë së Shtypit.

Në vitet 1993 – 1994 kreu Akademinë Mesdhetare të Studimeve Diplomatike në Maltë, ku fitoi edhe gradën “Master në Diplomaci”. Në vitet 1996 – 1997 ka punuar në Kuvendin Popullor në detyrën e Drejtorit të Departamentit të Informacionit dhe Dokumentacionit. Në vitet 2000 – 2001 ka punuar si administrator në Bibliotekën Kombëtare. Vitet e fundit ishte inxhinier në profesion të lirë.

Vepra të autorit

Elipsi i humbjes, poezi, 1993

Sa një pasthirrmë kam jetuar, poezi, 1995

Sa një pasthirrmë kam jetuar, poezi, ribotim i përmirësuar, 1997

Njeriu i sferës- 2006

Përkthime:

Arti i të dashuruarit, Erich Fromm, 1997

Origjinat e totalitarizmit, politologji, Hannah Arendt, 2001

Poezi të zgjedhura, David Lourens, 2002

Ese të zgjedhura, estetikë, Oscar Ëilde, 1998

Konflikti i qytetërimeve, politologji, Samuel Huntington, 2002