Ndalimet e banorëve të ‘Unazës’, nis protesta te Drejtoria e Policisë

Banorët e Astirit kanë dalë sërish mbërmjen e sotme në protestë kundër shembjes së banesave dhe bizneseve të tyre, që preken nga projekti i Unazës së Madhe.

Me thirrje kundër qeverisë dhe kryeministrit Edi Rama, banorët e Astirit të përkrahur edhe nga ish-deputetët e opozitës, kanë kërkuar lirimin e të shoqëruarve nëpër protesta.

Me thirrje “lironi djemtë tanë”, ata janë nisur në marshim për tek Drejtoria e Policisë së Tiranës, ku kanë nisur protesten për lirimin e të shoqëruarve, ndaluarve apo edhe të arrestuarve në protestat e ditëve të fundit, përfshirë atë të sotmen para Kuvendit të Shqipërisë.