Kryeministri Edi Rama iu është bashkuar reagimeve për ndarjen nga jeta të aktorit të njohur të humorit, Zef Deda.

Përmes një mesazhi, Rama i jep lamtumirën Dedës, i cili u nda nga jeta pas një sëmundje të rëndë.

“LAMTUMIRË i dashur Zef ”, shkruan Rama, ndërsa ka postuar dhe një foto të aktorit të ndjerë.

Meta: Kujtimi i Zef Dedës do të mbetet përjetë në zemrat e shqiptarëve

Ilir Meta, kryetari i Partisë së Lirisë, tha sot se kujtimi i Zef Dedës do të mbetet i përjetshëm në zemrat e të gjithë shqiptare.

Meta publikoi një mesazhnë rrjetet sociale, pasi në media u njoftua se aktori i shquar shkodran Zef Deda kishte ndërruar sot pas një sëmundjeje të rëndë.

Meta shkroi: “Një humbje e madhe për humorin dhe artin shqiptar ndarja nga jeta e aktorit shumë të dashur për publikun, Zef Deda.  I shpreh ngushëllimet e mia të përzemërta familjes Deda. Kujtimi i Zef Dedës do të mbetet i përjetshëm në zemrat e të gjithë shqiptarëve.”

Berisha u shpreh se sot është ditë zie për artin shqiptar, duke u shprehur se dielli perëndoi përfundimisht për artistin e talentuar.

Ish-kryeministri deklaroi se Zef Deda ia kushtoi që të gjithë dhuntinë e tij të vërtetave të mëdha të artit dhe shoqërisë.

“Sot është ditë zi e për artin, skenën, Shkodrën dhe artdashësit në mbarë Shqipërinë pasi dielli perëndoi përgjithmonë për artistin e mirënjohur të talentuar Zef Deda, ishte një artist që të gjithë dhuntinë e tij ia kushtoi të vërtetave të mëdha të artit dhe shoqërinë. Ai u nda nga jeta para kohe, duke pasur mundësi për të kapur maja të tjera në skenë dhe art.

Por mbetet i pavdekshëm me trashëgiminë e tij të shkëlqyer që le. Shpreh ngushëllimet më të ndjera familjes, të afërmeve, komunitetit artistik dhe qytetarëve të Shkodrës e mbarë Shqipërisë për këtë humbje të madhe. E nderojmë me një minutë heshtje, Zef Dedën”, tha Berisha.

Mjeshtri i humorit u nda nga jeta ditën e sotme pas një beteje 1-vjeçare me një sëmundje të rëndë.