Ndarja territoriale/ Alibeaj: Me këtë reformë, po vidhni në tavolinë zgjedhjet e 2023-it!

Sot ka bashki të falimentuara, pa tradita e pa identitet

Deputeti i Partisë Demokratike, Enkelejd Alibeaj ka akuzuar mazhorancën se me ndarjen aktuale të territorit, ata po vjedhin në tavolinë zgjedhjet e ardhshme vendore.

Alibeaj kapet me Çuçin: I bëre autogol vetes, ose je i paaftë! Ministri: Goli më i bukur i kësaj maxhorance…

Teksa diskutohej në Parlament për ndarjen e re territoriale, Alibeaj tha se mazhoranca ka shkuar në komision pa propozime konkrete, por ka mbajtur të pandryshuar asnjë detaj nga pushteti vendor.

Alibeaj u shpreh se raporti i PD-së nuk hedh poshtë të gjithë pushtetin vendor, por kërkon korrigjimin e disa prej aspekteve të saj.

Alibeaj: Bashki të falimentuar, bashki pa transport publik, bashki që vendosin taksë gjelbërimi në mes të pyllit. Bashki pa historik, pa identitet, vetëm me Rilindjen urbane i keni bërë një fotokopje të njëra-tjetrës. Bashki pa tradita, që po shpopullohen. Kjo është një nga arsyet më të rëndësishme pse duhet parë reforma territoriale.

Bashki pa demokracinë lokale. Pushteti vendor nëse ka një vlerë, është pikërisht kjo, është mundësia që u jepet qytetarëve që kontrollojnë përditë kryetarin e Bashkisë. Kjo ka qenë një nga arsyet për të vendosur paqen politike. Nëse ka një arsye të fortë pse bëhen disa reforma të mëdhaja që nuk duhen parë politikisht, është kjo reformë e pushtetit vendor. Niveli i demokracisë në një vend, shihet nga pushteti vendor.

Në 2014-ën kur e ndërmorrët, thatë se kjo ishte një nga arritjet e qeverisë Rama. Pjesë të fajit e kemi dhe ne në 2014-0ën kur nuk morëm pjesë. Por ju i kishit votat. Nuk morët legjitimitetit, gjithëpranueshmëria. Reforma territoriale është një moment historik në shtetformimin. Me të drejtë tha Çupi, ne nuk nisemi nga ideja e rrafshimit të gjithçkaje. Ne nuk po themi që gjithçka nuk ka funksionuar. Kërkojmë vetëm korrigjim.

Kur e bëtë reformën e bëtë që të fitonit zgjedhjet në tavolinë. Ja morët frytet në vitin 2015. Sot një gjë të vogël duhet ta bënit për Shqiptarët. Me këtë që po bëni tani, po vidhni në tavolinë edhe zgjedhjet e vitit 2023.

Kreu i grupit parlamentar të Partisë Demokratike, Enkelejd Alibeaj nga foltorja e Kuvendit sulmoi ashpër maxhorancën se ka interesa të forta që nuk merr parasysh asnjë sugjerim të opozitës për të reflektuar disa ndryshime në Reformën Territoriale.

Ai tha se maxhoranca po tenton që të vjedhë zgjedhjet e vitit 2023 në tavolinë, ndërsa u kap me ministrin e Brendshëm Çuçi, ku theksoi se ky i fundit i bëri autogol vetes.

“Kolegë të nderuar, mesa duket vathët, është larg pranvera. Ju e paskeni vendosur se nuk keni asnjë synim për të marrë diçka për reformën territoriale Kjo do të ngelet në analet e këtij parlamenti si një nga njollat më të zeza. Sot që diskutojmë është raporti i PD, ju s’keni asnjë raport. Ju thoni që të jetë siç ishte. Por pse e pranuat këtë komision? Zoti ministër, ajo që thatë pak më parë, se vlera e këtij komisioni është se ku ka arritur pushteti lokal është autogol i madh. Sapo pranove ose paaftësinë tende, ose se nuk të intereson pushteti lokal. Bashki të falimentuara, distancë, pa transport publik. bashki që vendosin taksë gjelbërimi në mes të pyllit, pa historik, pa identitet, vetëm me Rilindjen Urbane që bëtë ju para disa vitesh, i keni shndërruar në fotokopje. Bashki pa tradita, që po shpopullohen. Ndaj është e nevojshme sot që të rishihet reforma territoriale, e të rrinin shqiptarët aty. Jo vetëm që po ikin jashtë shtetit shqiptarët, por po ikin nga periferia. Nëse pushteti vendor ka një vlerë, është kjo mundësia që ju jepet qytetarëve që të kontrollojë përditë kryebashkiakun. Nëse ka një arsye të fortë se përse bëhen reforma të mëdha, që nuk duhen ndarë politikisht, është reforma e pushtetit vendor. Janë gjepura të tjerat, drejtësia, pavarësia, e me radhë. Ky momenti i sotëm që ndërmorën ne, mesa duket e keni me të tallur. Pikërisht reforma territoriale nuk duhet të jenë të njëanshme, duket të gëzojnë legjitimet. Kam guximin ta them se një pjesë të fajit e kemi dhe ne të PD kur nuk morëm pjesë në 2014-ën. Por ju i kishit votat. Ju nuk morët përsipër atë që është me rëndësi, legjitimiteti. Kjo është ajo se çfarë është me rëndësi. Ju ua mohuat shqiptarë këtë të drejtë dhe sot po ua mohoni. Korrigjim kemi kërkuar ne të defekteve të identifikuara në këto 7 vite. Kështu ecën para kjo dynja, me revolucion dhe jo evolucion. Mos t’ja fshehim njerëzve se përse nuk gjeni dot alibi dhe justifikim. ka vetëm një arsye se pse nuk pranoni riformim të reformës, në 2014 e bëtë vetëm që të fitonit zgjedhjet në tavolinë. Ia morët frytet në 2015. Pas 7 vitesh kur i keni korrur maksimumin kësaj reforme, do duhet të bënit diçka për shqiptarëve, s’po bëni gjë tjetër që të vidhni në tavolinë dhe zgjedhjet 2023-shit.”, tha Alibeaj.

Ndërkohë ministri Çuçi iu kundërpërgjigj duke pohuar se reforma territoriale ka qenë goli më i bukur i kësaj maxhorance në qeverisjen e parë.

“Në lidhje me autogoli, pa diskutim si ministër mendoj që reforma territoriale ka qenë goli më i bukur i kësaj maxhorance në qeverisjen e parë. Unë këtu thasë që parlamenti në një moment të caktuar e merr një reformë për të parë se çfarë është bërë, kjo është gjëja më normale, Unë fola përpara parlamentit, por jo në Ministrinë time. Zonja Çupi nuk isha i cekët për raportin, por i ceket si drejtim për të shkuar në ndarjen territoriale, pasi është shumë më shumë se kaq. Tani a do të bëjmë gjëra më të mira, patjetër që do të bëjmë., por hajde të flasim”, tha Çuçi.