Ndërroi sot jetë, kush ishte poeti Arben Duka

Përveç se poet lirik, ai do të bëhej i njohur për vargjet e tij ku fshikullonte përmes ironisë dhe satirës personazhet më dominues të politikës shqiptare.

Ish-kryeministri Sali Berisha ishte një prej politikanëve më të anatemuar nga pena e Arben Dukës. Ndonëse i njohur për bindjet e tij të majta, kritikës së Arben Dukës nuk i kanë shpëtuar as kryeministri Rama, apo personazhe të tjerë të PS-së.

Vlen për t’u theksuar që vargjet e tij ngjallnin reagime të forta mes qytetarëve, ku një pjesë e njerëzve e donin, por kishte edhe të tjerë që flisnin me një gjuhë urrejtje për poezitë e tij. Vargjet e fundit të publikuara nga i ndjeri në rrjetet sociale kanë pikërisht si personazh Sali Berishën.

Megjithatë Duka duhet kujtuar edhe për vargjet e tij lirike, prandaj poezia e mëposhtme është një himn për jetën dhe shpresën.

“Shpresën mos e humb

Thonë në jetë ka një vdekje,

Thonë në jetë ka një fund,

Thonë gjithë jeta është përpjekje,

Po ti shpresën mos e humb…”