Tre muaj më parë, dy motrat Antonela dhe Mariela Berishaj u bënë protagoniste negative me rrahjen e Klea Prengës për shkak të ‘Kazanovës’ nga Fushë Arrëzi, Mir Pepa.
Dy motrat u vetëdorëzuan dy muaj pas rrahjes brutale. Prapaskena sjell foto ekskluzive të dy motrave para se t’u nënshtroheshin operacioneve plastike.
Ndryshimi është drastik. Vetëm një ‘sy i mprehtë’ mund t’i njohë.
Vendimi i gjykatës
Pasi gjykata la në arrest shtëpie goditësen Mariela Berisha dhe motrën e saj Antonela e la në detyrim paraqitje, viktima Klea Prenga iu drejtua publikisht, nëpërmjet Instagramit, gjyqtares Migena Laska duke e akuzuar se ka shtrembëruar drejtësinë.
Me sa duket, gjyqtarja Laska e ka konsideruar “plastike” gotën që shëmtoi rëndë fytyrën e blogeres Prenga, ndërsa për nënën e fëmijës dy vjeç, Mariela Berishën, asaj i erdhi keq që kjo nuk mundi të realizojë ëndrrën e saj për të futur në “kllapë” paratë e Mir Pepes, pinjollit të një kompanie të fuqishme të ndërtimi.
Blogeret Berisha nuk e goditën për çështje showbiz-i influencuesen Prenga. Ato nuk ia falën dëmin që u shkaktoi “gjoksi” i madh i saj, xhepit të tyre. Motrat Berisha për pak e sakatuan rivalen Prenga në mes të një restoranti në Tiranë, dhe nëse nuk do ndërhynin rojet e fuqishme, mund edhe ta kishin vrarë.
Jetmir Marashi alias Mir Pepa nga Fushë Arrëzi, ka marrë rolin e “P Diddy’s” shqiptar në sherrin e motrave Berisha me Klea Prengën. Në fillim u bë i njohur me aventurën që kaloi me modelen, po nga Fushë Arrëzi, Xhulia Marashi, me të cilën u martua për ca kohë duke i marrë edhe mbiemrin.
Pas disa aventurave në Dubai, u peshkua nga njëra prej motrave Berisha, Mariela. Motra tjetër, Antonela, e shoqëroi Marielën në të gjitha udhëtimet për në Dubai kur ndiqte “P Didin” e saj, Mir Pepën.
Në njërin prej këtyre udhëtimeve, ato panë që Klea Prenga qëndronte në një resort sheikësh me Mirin dhe që aty e piketuan për t’a “eliminuar”.
Ashtu si P Diddy, që dyshohet se ka vrarë reperin e famshëm të viteve ’90, Tupac, Antonela dhe Mariela përgatitën planin për të eliminuar rivalen e tyre me gjoks “extralarge”, mirditoren nga Athina, Klea Prenga.
Më në fund, një natë e gjetën në një restorant të njohur të Tiranës dhe, pasi e goditën me qelq në fytyrë, duket se ja arritën qëllimit duke e shëmtuar në formë të pariparueshme.
Shembulli i motrave Berisha, që kanë kaluar një pjesë të mirë të jetës në Milano, dhe Klea Prengës, të rritur dhe edukuar në Athinë, mbetet i njëjtë me atë të vajzave të rritura në Shqipëri, ndoshta pak më agresiv.
Pasi nuk gjejnë rrugën e duhur me jetën e thjeshtë që ofron Italia, Greqia apo Shqipëria, i ofrohen modelit “P Diddy’s”. Me ndërhyrje estetike dhe “Instagram” në dorë, futen në tregun e egër të Dubait. Çmimi është i lartë, si jeta e luksit, makinat dhe veshjet e shtrenjta; burg, gjymtim, depersonalizim.
Modelin e femrës që ndjek bosat si “P Diddy’s” po e ushqen e gjithë shoqëria jonë, ndërsa jua promovon imazhin e gënjeshtërt, të fshehur në Photoshop. Gjykata është bërë pjesë e saj. Gjyqtarja Migena Laska ka thyer të gjitha barrierat e një drejtësie që tregohet e “dhembshur” me vajzat që shkojnë e vijnë në Dubai me “pistoletë” në brez, në vend që t’i qëndrojnë pranë fëmijëve që kanë sjellë në jetë.
Motrat Berisha dhe viktima e tyre Prenga janë rivale të një “gjoksi” akoma më të suksesshëm, që erdhi me matrapik nga Italia. Rikja e reklamës, që nuk flet për seks por për kafe, do t’ua shkulte gurmazin të trejave nëse ato do guxonin ta pengonin në rrugën e saj. Këtë karakter dhune dhe tolerance zero, modelja e ka treguar në “Bigun” e fundit.
Po gjyqtarja Laska që nuk ka gjoks por mend, dhe në vend të matrapikut mban çekicin e drejtësisë, çfarë modeli drejtësie i ofron shoqërisë?
Ambasadori ynë në Zvicër, Mustafa Nano, nëse do ishte në Arnautstan, me siguri do shprehej për vendimin e gjyqtares Laska që i la motrat e dhunshme jashtë burgut, gati për një rrugë tjetër për Dubai: Ky është një vendim miserabël i një drejtësie të korruptuar deri në palcë! Drejtësia u përket atyre që zhvishen dhe paguajnë më shumë!Prapaskena
