Ndryshon qeveria: Hiqet Ogerta Manastirliu nga Shëndetësia

Kryeministri dhe në të njëjtën kohë kryesocialisti Edi Rama ka mbledhur sot Asamblenë Kombëtare të Partisë Socialiste.

Ashtu siç u njoftua edhe më herët, kryeministri ka bërë disa ndryshime në kabinetin qeveritar.

Ajo që bie në sy është fakti, se ka edhe zbritje në detyrë siç është rasti i Ogerta Manastirliut e cila deri më tani drejtonte Ministrinë e Shëndetësisë, por me vendimin e sotëm të Ramës merr në dorë Ministrinë e Arsimit dhe Sportit.

Kështu me vendim të tij emrat e rinj të ministrave janë si më poshtë:

Ervin Meta, Ministër i Financave

Igli Hasani, Ministër i Jashtëm

Ogerta Manastirliu, Ministre e Arsimit dhe Sportit

Anila Denaj, Ministre e Bujqësisë

Albana Koçiu, Ministre e Shëndetësisë 

Delina Ibrahimaj, Ministre për Sipërmarrjen

Arbjan Mazniku, Ministër Shteti për Pushtetin Vendor

Ditën e nesërme këto propozime do t’i dërgohen presidentit të vendit, Barjam Begaj për miratim.

Pak më shumë se dy muaj më parë, Edi Rama e zëvendësoi Ardian Çelën në krye të OSHEE-së me një emër të përzgjedhur nga Belinda Balluku. E dukej se ‘luftën’ për kontrollin e OSHEE-së, një hambar punësimesh dhe patranozhistës për PS-në e kishte fituar klani Balluku.

Por vetëm pak muaj pas kësaj lëvizje, Ardian Çela është rikthyer sërish në skenën politike të PS-së dhe këtë herë me një post të rëndësishëm, atë të sekretarit organizativ.

Në sekretariatin e PS-së janë edhe disa ish-ministre si Evis Kushi dhe Milva Ekonomi.

Më poshtë keni ndryshime e sekretariatit në Partinë Socialiste:

Sekretar organizativ

Adrian Çela

Sekretar i Burimeve Njerëzore 

Eduard Ndreca

Sekretare e Gruas

Evis Kushi

Sekretar Digjital dhe i Rinisë

Etjen Xhafa

Sekretare e Marrëdhënieve me Jashtë

Romina Kuko

Sekretar i Çështjeve Zgjedhore

Eridian Salianji

Sekretare e Programit 

Milva Ekonomi.