Në 10 ditët e fundit në Shqipëri kanë ndodhur 54 aksidente rrugore

Janë 54 aksidentet rrugore në 10 ditët e fundit, që për pasojë kanë lënë 8 viktima dhe 64 të plagosur.

Për ekspertët e sigurisë rrugore problemi kryesor mbeten drejtuesit e automjeteve.

“Është pakujdesia e drejtuesve të mjeteve dhe përdoruesve të tjerë të rrugë që ndodhin këto aksidente. Duhet të bëjnë kujdes si shoferët dhe përdoruesit e tjerë si këmbësorët, çiklistët”.

Sipas ekspertëve, për shkak të fluksit të madh të automjeteve në zonat turistike, duhet të shtohen logjistike për të parandaluar aksidentet.

Ndërkohë në krahasim me një vit më parë, në 8 muajt e parë të këtij viti janë rejistruar 688 aksidente, 243 më pak se një vit më parë, por duhet marrë parasysh se për disa muaj Shqipëria ishte në karantinë.