Në kërkim ndërkombëtar për trafik kokaine,arrestohet 39-vjeçari

Shtetasi Ardian Sufaj është arrestuar gjatë ditës së sotme në Shëngjin. Ai ishte shpallur në kërkim ndërkombëtar për trafikimin e 100 kg kokainë dhe për pengmarrje.

Sufaj, 39 vjeç, ishte në listën e kërkimeve të Interpolit në Romë. Autoritetet gjyqësore italiane i kishin vendosur masën e sigurisë “Arrest në burg” për veprat penale “Trafikim narkotikësh”, “Organizatë kriminale” dhe “Pengmarrje”, sipas Kodit Penal italian.

Arrestimi i Ardian Sufajt është një hap i rëndësishëm në luftën kundër trafikimit të drogës dhe organizatave kriminale. Autoritetet vijojnë hetimet për të zbuluar më shumë detaje lidhur me veprimtarinë e tij dhe lidhjet e mundshme me grupet kriminale të trafikut të drogës.