Nëna me djalin mbërrijnë nga Bulqiza, 40 vjeçari me kollë e temperaturë pas kthimit nga Italia

 Sot ai është sjellë në spital nga nëna e tij, e cila u shfaq në një deklaratë për media pa asnjë masë mbrojtëse, ndonëse ka qëndruar prej dy javësh pranë të birit i cili dyshohet se ka koronavirus, por ende s’ka dalë përgjigjia nga spitali.

“E çova në spital të Bulqizës,  e çova dhe më bënë analizat më pas e sollën këtu. I kanë bërë dhe analizat këtu  dhe smë kanë dhënë asnjë përgjigje. Më 22 shkurt ka ardhur nga Italia. Një javë ka qenë sëmurë në shtëpi. Ka pasur probleme me frymëmarrjen. Temperatura 38 shkonte ndonjëherë 39 dhe vetëm kollej.

2 javë në shtëpi. 5- 6 ditët e fundit u përkeqësua. Kollitjet dhe djerësët i kishte më shumë problem. I kanë bërë analizat dhe mbrëmë dhe sot. Nuk i kanë dhënë asnjë përgjigje. Mua smë kanë bërë asnjë kontroll”, ka thënë nëna e 40 vjeçarit të shtruar tek Infektivi.

40 vjeçari ka hyrë në vendin tonë më 22 shkurt nga Porti i Durrësit dhe drejt Bulqizës ka udhëtuar me makinën e tij.