Netanyahu shtyu vizitën në Tiranë por takohet me Metën në Paris

Presidenti i Shqipërisë Ilir Meta ka takuar kryeministrin e Izraelit Benxhiamin Netanjahu.

Takimi mes Metës dhe Netanjahut ka ardhur pas anulimit të vizitës të këtij të fundit që ishte parashikuar për në datën 1 nëntor.

‘Kënaqësi të takohesha në Paris me Kryeministrin e Izraelit, Benjamin Netanyahu.

Një marrëdhënie unike mes popujve tanë në respekt e mirënjohje të historisë dhe të dëshirës për një marrëdhënie edhe më të ngushtë në të ardhmen’, shkruan Presidenti Ilir Meta në faqen e tij në Facebook.

Takimi mes tyre është bërë në Paris, ku Presidenti Ilir Meta ndodhet i ftuar mes 70 lidërve botëror në ceremonitë e 100 vjetorit të përfundimit të Luftës së Parë Botërore.