Ngjarja e rëndë tek ‘Shefqet Ndroqi’, reagon Pampuri: Situata jashtë kontrollit, rasti i tretë dhe ministria s’ka marrë asnjë masë
Pas ngjarjes së rënë ku një 52-vjeçar i dha fund jetën duke u hedhur nga kati i katër i spitalit të ‘Shefqet Ndroqit’ ka reaguar edhe ish-deputeteja e Partisë Demokratike Orjola Pampuri.
Me anë të një postimi në rrjetet sociale Pampuri shkruan se situata ministres së Shëndetësisë i ka dalë situata jashtë kontrollit.
Sipas Pampurit nëse ndodh një herë, merren masa, nëse ndodh dy herë, është e rëndë, por nëse ndodh për të tretën here, dhe spitali është gjendur përsëri pa staf mbështetes me psikologe, është e pafalshme.
Reagimi i plotë:
Ministres situata i ka dale totalisht jashte kontrolli, papergjegjshmeria e saj vijon te mbulohet nga komiteti i cili mbrojtjen me te mire ka gjetur sulmin ndaj opozites. Zgjidhja eshte siguria e jetes dhe shendetit te pacienteve, ketu keni deshtuar, dhe merreni me sulme.
Ngjarja e rende ne spitalin “Shefqet Ndroqi”, Covid 2, na prek emocionalisht te gjitheve. I treti rast, brenda pak kohesh, qe tronditi sigurisht familjaret, dhe opinionin publik. Vetevrasjet ndodhin nen nje gjendje te ngarkuar psikologjike, kur personi humbet pergjegjshmerine, dhe shpresen, dhe nje nga rrugedaljet nga kjo gjendje psikologjike shume e renduar, shikon vetevrasjen. Bazuar ne shume raste te personave qe kane patur nje eksperience, pra e kane kaluar Covid 19, theksohet qe perpos simptomave te tjera, ka qene dhe ngarkesa psikologjike, e shprehur si forme paniku, kjo nxitur dhe nga perballja me dicka te panjohur per te cilen di shume pak ose aspak, duke i shtuar kesaj dhe informacionet qe degjon, te ben te ndjesh pasiguri dhe ankth. Ne te gjitha vendet e botes ne kete periudhe psikologu ka marre nje rol te rendesishem, madje edhe duke u bere pjese e stafeve mjekesore. Ne Shqiperi mungesa e psikologut, mungesa e mbeshtetjes psiko-emocionale, ne spitalet Covid, ka cuar deri ketu. Nese ndodh nje here, merren masa, nese ndodh dy here, eshte e rende, por nese ndodh per te treten here, dhe spitali eshte gjendur perseri pa staf mbeshtetes me psikologe, eshte e pafalshme.
Papergjegjshmeria nga ana ministrise, ne paisjen e spitaleve Covid me psikologe vijon. Kjo papergjegjshmeri, po vijon te rendoje mbi shendetin e jeten e qytetareve. Para nje jave papergjegjshmeria e qeverise beri qe te humbase jeten nje qytetar, sot perseri nje ngjarje e rende.
Preng Gjonaj 52-vjeç i ka dhënë fund jetës orët e para të këtij mëngjesi duke u hedhur nga kati i katër i spitalit ‘Shefqet Ndroqi’.
Bëhet me dije se 52-vjeçari ishte i shtruar në spital, në katin e katër për rreth një javë pasi ishte i prekur me koronavirus dhe se në dhomë ishte i vetëm.
Dyshohet se 52-vjeçari me origjinë nga Tropoja ka kryer aktin e rëndë në gjendje të rënduar psikologjike. Ndërsa mësohet se personi në fjalë nuk ka pasur probleme të shëndetit mendor më parë.
Kanë qenë mjekët ata që kanë lajmëruar policinë rreth orës 03:10 minuta të mëngjesit të kësaj të diele.
Policia ka marrë kartelën mjekësore dhe po punon për zbardhjen e rrethanave në lidhje me ngjarjen e rëndë.
Kujtojmë që Preng Gjonaj është pacienti i tretë, i cili i ka dhënë fund jetës duke u vetëvrarë, më herët nga spitali ‘Shefqet Ndroqi’ është vetëvrarë Hasan Mira, 65 vjeç dhe në datën 13 gusht, 29-vjeçari Xhino Koça.
Keni një histori? Denonco anonimisht, identiteti juaj mbrohet.
Denonco
