Nikolle Lesi: Rama e manipuloi sondazhin

Nikoll Lesi akuza të rënda për IPM marketing dhe Ora News: Rama e manipuloi sondazhin
Në një nga portalet e rinj që duket hapur se menaxhohet dhe kontrollohet nga botuesi i “Koha Jonë“, Nikoll Lesi, i hedhur me shpejtësi në këtë gazetë, sot është zbuluar se sondazhi i IPM marketing i publikuar mbrëmë në “Ora News” është manipuluar në minutat e fundit.

Sipas portalit në fjalë “Albanianews1.al”, sondazhi i vërtetë paraqet të tjera projeksione nga ai i servirur për publikun. Gazetarët e kësaj media madje pretendojnë, se kanë edhe kopjen e origjinalit i cili është futur në sirtar në momentet e fundit, pas ndërhyrjes me një thes me euro nga njerëzit e Edi Ramës. Ky manipulim është bërë sipas tyre, sepse LSI del e dyta në renditje me plot 31.35 menjëherë pas Partisë Socilaliste me 38.5%, kurse Partia Demokratike paska dalë pas saj, me vetëm 21.7%.

Për vërtetësinë e këtij lajmi mbajnë përgjegjësi autorët e tij, kurse kompania italiane IPM marketing duhet të reagojë dhe të japë versionin e saj sepse si do që të jetë e vërteta, ajo përbën një skandal manipulimi të opinionit publik.