Nis “Fshesa” ndaj LSI,kerkohet largimi i titullarit te tatimeve

NIS “FSHESA” NDAJ LSI, DREJTORESHA E RAMËS I KËRKON DORËHEQJEN ZËVENDËSIT TË SAJ

Në foto Flobens Dilaveri dhe drejtoresha e Tatimeve, Vasilika Vjero
Pasi Partia Socialiste mori “timonin” e drejtimit të qeverisë e vetme për 4 vitet e ardhshme, “spastrimi” i përfaqësuesve të LSI dhe atyre teknikë nga administrata ka nisur që në ditët e para pas 25 qershorit.

Pas ndryshimeve në disa institucione të rëndësishme shtetërore, duket se rradha ka ardhur për disa ndryshime edhe në Drejtorinë e Përgjithshme të Tatimeve.

Burimet konfirmojnë se zëvendës drejtorit, Flobens Dilaveri, i cili njihet si përfaqësues i LSI-së i është kërkuar dorëheqja nga drejtoresha e këtij insitucioni, Vasilika Vjero.

“Fshesa” nisi me drejtorët teknikë të PD, të cilët u emëruan pas marrëveshjes së 18 majit Rama-Basha.

Një rast konkret është ai i drejtorëve te Burgjeve dhe Hipotekës, të cilët u zëvendësuan nga ish- kandidatë për deputetë, apo mbështetës të PS.

Është fjala për Arben Çukon, i cili u emërua në krye të drejtorisë së Burgjeve dhe Blerina Doracaj, drejtoreshë e Hipotekës, e cila në zgjedhje renditej e 26-ta në listën e qarkut të Tiranës për PS.