Nis marrshimi i studentëve drejt Kuvendit

Ndryshe nga sa është vepruar këto ditë, këtë të enjte, protesta e studentëve pritet të zhvendoset para parlamentit.

w

Ora 09:45/ Ka nisur marshimi i studentëve nga Politekniku drejt Kuvendit të Shqipërisë, ku do mblidhen për të protestuar. Ata kanë kaluar para Kryeministrisë, por nuk kanë qëndruar aty.

***

“Njoftohet se nesër Dt: 13/12  do bëhet mbledhja ne çdo universitet në orën 08:00-09:00. Marshimi do të bëhet drejt Parlamentit të Shqipërisë dhe në orën 10:00 fillon protesta për plotësimin e kërkesave të bëra me dije nga Këshillat Studentorë”, thuhet në një deklaratë për të mediat të Këshillave studentore.

Ditën e sotme, deputetët e mazhorancës mblidhen në seancën plenare, ndërkohë deputetët e opozitës e bojkotojnë tashmë prej kohësh.

Deri më tani, protesta e studenteve është zhvilluar para Ministrisë së Arsimit. Të martën dhe sot, protestuesit u ndanë në dy grupe, duke u vendosur një pjesë para ministrisë së Arsimit dhe një pjesë para kryeministrisë.

Ditën e martë, kur skadoi edhe afati i që studentët kishin vendosur për plotësimin e kërkesave të tyre, një grup protestuan edhe te Zogu i Zi.