Në Shqipëri ashtu si në shumë vende të botës, Mesha e Shenjtë e Pashkëve po zhvillohet pa besimtarë për shkak të situatës së koronavirusit. Mesha e Shenjtë ka nisur dhe në Katedralen e “Shën Palit” në Tiranë.
Në kalendarin e krishter, Pashkët janë festa më e rëndësishme, e cila simbolizon Ringjalljen e Krishtit.
Veza e kuqe është simboli i Pashkëve. Ajo simbolizon jetën, që është e mbyllur dhe e përgjumur brenda lëvozhgës së saj, ndërsa ngjyra e kuqe e vezëve simbolizon sakrificën dhe në rastin konkret, sakrificën e Krishtit, simbolikë e fitores, gëzimit dhe jetës.
Veza e Pashkëve është e vjetër, po aq sa edhe vetë Krishtërimi dhe kisha e ka pranuar në traditën dhe në praktikën e saj si simbol i Ringjalljes së Krishtit.
