Nis PETICIONI KOMBËTAR për mbështetjen e ish-krerëve të UÇK

Organizata e Veteranëve të Luftës së Ushtria Çlirimtare e Kosovës ka nisur një peticion mbarëkombëtar që kërkon një proces gjyqësor të drejtë për ish-drejtuesit e saj që po përballen me gjykim në Dhomat e Specializuara të Kosovës në Hagë.

Nisma është ndërmarrë nga Organizata e Veteranëve të Luftës së UÇK-së, e cila e cilëson këtë peticion si një thirrje qytetare në mbështetje të luftës çlirimtare dhe të ish-krerëve të saj që po përballen me procesin gjyqësor.

Sipas organizatorëve, peticioni synon të mobilizojë qytetarët në mbrojtje të vlerave të luftës së UÇK-së dhe të kërkojë respektimin e plotë të standardeve të drejtësisë gjatë procesit gjyqësor.

Nisma do të realizohet në bashkëpunim me shtatë universitete, mes të cilave përfshihen institucione të arsimit të lartë në Tiranë, Shkup dhe Tetovë.

Kryetari i organizatës, Hysni Gucati, bëri të ditur se peticioni do të jetë i disponueshëm duke nisur nga sot, si në formë online ashtu edhe në versione fizike.

Sipas tij, nisma synon të kundërshtojë atë që veteranët e konsiderojnë padrejtësi në proceset që po zhvillohen në Hagë.

“Ne nuk do të ndalemi kurrë kundër Gjykatës Speciale, jo kundër drejtësisë, por kundër padrejtësisë që po ndodh. Kemi siguruar mbështetje nga shtatë universitete në Kosovë, si dhe nga universitete në Tiranë, Shkup dhe Tetovë. Peticioni hyn në fuqi nga sot, si online ashtu edhe me nënshkrime fizike,” deklaroi Gucati.

Sipas tekstit të peticionit, vendimet gjyqësore duhet të mbështeten vetëm në prova dhe fakte të administruara gjatë procesit gjyqësor.

Ndër kërkesat kryesore përfshihet respektimi i plotë dhe i pakushtëzuar i të drejtave themelore të të akuzuarve, zbatimi i Ligjit për Dhomat e Specializuara të miratuar nga Kuvendi i Kosovës, si dhe respektimi i Kushtetuta e Republikës së Kosovës.

Po ashtu, peticioni kërkon heqjen e menjëhershme të masës së paraburgimit për të akuzuarit dhe përjashtimin nga procesi të çdo prove të siguruar apo të pranuar nga autoritetet e Serbia.