Protesta e Opozites nuk ishte e vogel por as ajo qe pritej. Gjithsesi ishin me mijera ata qe mësynë Tiranën në këtë ditë me diell të fortë. Kryeministri Edi Rama duhet ta lexojë këtë protestë e më shumë se atë trazimin shoqëror që po shkakton administrimi i Ministrisë së Brendshme tash 5 vjet.
Eshtë e kotë të akuzojë opozitën për dështimet e veta të bujshme. Europa dhe Amerika e dinë këtë.
Po kaq bjerrje kohë është të akuzosh protestën dhe protestat, organizuesit e tyre dhe të tjerë se dështimi i mundshëm i hapjes së negociatave është vepër e tyre. Aspak.
S’ ta pranon askush një ministër të Brendshëm që siç tha Dashamir Shehi udhëton në një samit antidroge në Holandë dhe dy ditë më parë i vëllai i dorëzohet drejtësisë italiane për trafik droge, për më tepër i fshehur nga drejtësia për mbi 15 vjet me dijeninë e vëllait të tij politikan e ndoshta të vetë shefit të ekzekutivit. Një shtetar, njolla të tilla ja kursen vendit të vet.
Skandalet, korrupsioni, dështimet në ekonomi, lidhja me botën e krimit nuk zmadhohen as zvogëlohen pertej faktit se cila është gjendja reale e opozitës.
Protesta e sotme ishte larg te qenit revolte popullore, ishte larg te gjitha pritshmerive te ndertuara nga ligjerimi i lidershipit te Opozites ne keto dite megjithese ajo nuk ishte e vogel. Nuk eshte numri qe percakton drejtesine e nje kauze.
Sot opozita ka protestuar per ceshtje te drejte. Lulzim Basha ben mire qe nuk bie pre e atyre e qe e keshillojne per akte te forta apo dhune. Ato duhet te marrin fund ne Shqiperi si episode te se kaluares.
Le te mbetet 21 Janari 2011 i fundit. Forcen, Basha duhet ta tregoje tek qendresa paqesore e cila mund te shnderrohet ne frytdhenese shume me teper se cdo akt dhune.
Por kjo qendrese ende duket larg se realizuari. Basha ju premtoi kater dite proteste pastaj kater ore dhe beri vetem 40 min rezistence. Raporti i propogandes me faktet po i krijon atij nje hendek te madh dhe krize besimi. Sot kishte proteste por jo entuziazem.
Sot kishte proteste por jo besim se Opozita do te konkretizoje dicka. Fjalimi i Bashes ishte thjesht i tmerrshem, nje hartim filloreje. Lulzim Basha ne pamundesi per ti shprehur respekt shkruesit te ketij fjalimi me nje laper kokes thjesht ti caktoje kujdestarine per gardelinat ne PD.
Basha e ka jetike të lexojë vetveten. Ai po heziton ta bëjë këtë prej 5 vitesh. Qytetarët e ndëshkuan PD në vitin 2013, ende me teper ne vitin 2015, dhe në mënyrë katastrofike në vitin 2017. Ata po i kerkojnë ndryshim të thëllë.
Lidershipi i PD heziton ta pranoje këtë, qytetarët hezitojnë ta ndjekin. Eshtë formulë e thjeshtë. Ne qershor behet 1 vit nga humbja e zgjedhjeve për këtë parti. Prej 1 viti Basha vetem kujdeset për karriken e vet. Asnjë shenjë ndryshimi, asnjë shenjë rikthimi të dialektikës së përfaqësimit.
Një alergji e skajshme për elitat dhe intelektualet duket se sundon kreun e PD. Basha shfaqet me 4 a 5 musketier nga pas tejet të konsumuar e të regjur në imazh. Njerëzit i thonë ndrysho, ai vazhdon ti sfidojë. Ata thjeshtë largohen duke i shtuar vetminë.
Ai sheh kudo armiq. I thonë kërko falje e bashko realisht partinë, ai bën një statut ku vendos veten si të përjetshëm. Prej ngado i vjen sinjali mjaft me taraf, mjaft me leshko, mjaft me servilë e lolo si ndonjeri që do të heroizohet keto ditë por Basha refuzon të shohë, të pranojë, të degjojë.
PD është sot në gjendje autike. I kërkon shoqërise reagim duke e sfiduar atë në kërkesat e saj. Basha u thotë më ndiqni mua me këta që zgjedh unë e që mua më duan shumë. Nuk mjafton. Politika paska ligjësi të tjera. Ndaj shqiptarët nuk e ndjekin, ndaj nuk i vinë të shumtë Bashës nga pas.
PD eshte futur ne logjike bunkerizimi. Inkoherenca e tij, Bashes, mosperputhja e fjaleve me faktet, te djathtet por edhe te tjeret i topit. Basha sot me fjalen e tij nuk diti te formuloje kryeakuzen ndaj Rames dhe Xhafes. Ate te fshehjes te se vertetes.
Pushteti është në krizë dhe vështersi të madhe. Ai po udhëton mes për mes skandalesh e krizash.
Kjo e Tahirit dhe Xhafës është më e zhurmshmja dhe me e papranueshmja. Opozita duhet ta fitojë këtë betejë. Le ti djegë mandatet e saj. Kështu Basha çlirohet nga zgjedhjet e veta, por mbase kështu çliron edhe vendin nga zgjedhjet e Edi Ramës
