Një tjetër segment rrugor në Autostradën Tiranë-Durrës

Një tjetër segment rrugor në Autostradën Tiranë-Durrës, do t’i nënshtrohet rikonstruksionit të hënën.

Autoriteti Rrugor Shqiptar informon se në orën 06:00 të mëngjesit të ditës së nesërme do të nisë ndërhyrja për rehabilitimin e segmentit rrugor Degëzimi Vorë (shinat e trenit)  – Fabrika e Tullave (rruga e vjetër).

ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve gjatë procesit të rehabilitimit në këtë aks rrugor dhe respektimin në mënyrë rigoroze të sinjalistikës provizore të vendosur si dhe udhëzimet e policisë rrugore në terren.

Bllokimi i aksit rrugor dhe devijimi i trafikut do të filloje në orën 06:00 te ditës së hënë.