Një zjarr tjetër shpërthen në ishullin Evia

Makthi i zjarrit në ishullin Evia në Greqi është rigjallëruar. Një zjarr i ri shpërtheu të premten në mëngjes, në zonën e Mistros në komunën Dirfion Messapia. Zjarri po digjet në një zonë pyjore në Agia Paraskevi dhe për momentin, asnjë shtëpi nuk kërcënohet.

Forcat tokësore po veprojnë në vend, ndërsa -sipas Brigadës së Zjarrit- priten të hyjnë në veprim edhe mjete ajrore.

Sipas mediave lokale, erërat që fryjnë në zonë janë më të forta.

Vullnetarët dhe transportuesit e ujit të bashkisë së Dirfion Messapia po veprojnë në vend.