Organizata e Botërore e Shëndetit ka shpallur zyrtarisht si pandemi virusin vdekjeprurrës COVID-19 që ka infektuar 114 shtete dhe ka vrarë mbi 4,300 persona.
“Kjo është e para pandemi që shpallet nga një koronavirus”, tha kreu i OBSH Tedros Adhanom Ghebreyesus.
Tetë shtete tashmë kanë raportuar më shumë se 1,000 raste të infektuarish me koronavirus, ndërsa numri total i të infektuarve deri tani shkon rreth 120,000.
Një pandemi është një epidemi e sëmundjes që përhapet në një rajon të madh, si në disa kontinente apo në të gjithë botën.
Shteti i dytë më i prekur është Italia me 631 të vdekur dhe mbi 10,000 të infektuar. Në vendin tonë koronavirusi ka infektuar 11 persona ndërsa sot u shënua edhe vdekja e parë.
Greqia ka 99 të infektuar ndërsa në Bullgari u shënua sot vdekja e parë nga Covid-19. Kosova nuk ka raportuar ende asnjë rast me virusin vdekjeprurrës.
