Operacioni antidrogë në Vlorë, 7 të shoqëruar

Policia e Vlorës mbrëmjen e djeshme ka zhvilluar një megaoperacion kundër lëndëve narkotike. Referuar burimeve, deri tani janë shoqëruar shtatë persona, të cilët dyshohen si aktorë të shpërndarjes së lëndëve narkotike.

Po ashtu janë katër automjete të sekuestruara, dy prej tyre furgonë. Deri tani raportohet se janë bllokuar rreth 500 kg lëndë narkotike e llojit kanabis. Policia pritet të dalë në një konferencë, për të bërë të ditur të gjitha detaje e megaoperacionit.