Opozita kërkon të rrëzojë qeverinë, kryeministri i Maqedonisë së Veriut, Zoran Zaev kërkon votëbesimin në Parlament

“Kërkoj nga ju deputetët në Kuvend, të votoni për mirëbesimin e Qeverisë. është radha që të ballafaqohemi dhe të pastrojmë , të shohim në vepër shumicën e paralajmëruar nga opozita”, tha mes tjerash Zaev.

Zaev për votëbesimin u bazua në nenin 93, paragrafi 1 nga Kushtetuta, si dhe në nenin 217, paragrafi 2 nga Rregullorja e Kuvendit. Ndërkaq opozita ka kritikuar Zaevin pasi ai bazohet në nenin 217, ku nuk parashihet debat para votëbesimit.

“Nuk kishit fuqi dhe guxim të shkonit me nenin 214, paragrafi 3 dhe të lejonit tre ditë debat këtu që të themi këtu të gjitha anomalitë e kësaj Qeverie”, tha mes tjerash Nikolla Micevski, deputet i VMRO-DPMNE-së.