Ka nisur në këto momente protesta e opozitës në 12 qarqet e vendit.
Militantët e opozitës kanë bllokuar rrugët duke paralizuar qarkullimin e automjeteve.
Është bllokuar aksi rrugor Shkoder – Koplik, aksi Berat – Ura Vajgurore, Ura e Drinit ne hyrje Rruges Kombit në Kukës, mbikalimi i Milotit në Lezhë, Ura ne kryqezimin Burrel – Rreshen- Klos, hyrja e autostradës në Plepa të Durrësit, mbikalimi Bradashesh në Elbasan, rruga nacionale në hyrje të Korçës, Ura Mbrostar në Fier, hyrja e superstradës Vlorë-Levan, Ura Vajgurore dhe dalja e Beratit, kryqëzimi i rrugës Përmet-Tepelenë-Gjirokastër dhe rrethrrotullimi “Shqiponja” në Tiranë.
Në secilin aks të bllokuar kanë shkuar përfaqësues të opozitës.
Kreu i PD Lulzim Basha ndodhet pranë protestuesve të Elbasanit, ndërsa kryetarja e LSI Monika Kryemadhi ndodhet në Durrës.
Opozita ka paralajmëruar se protesta do të vijojë për rreth dy orë dhe si pasojë edhe qarkullimi do të paralizohet deri në orën 20:00.
