Pamje dramatike, shembet masivi shkëmbor në Theth (VIDEO)

Një ngjarje e pazakontë ka ndodhur në Malësinë e Thethit, ku një masiv shkëmbor është shembur, duke krijuar një pamje dramatike dhe të paprecedentë në këtë zonë alpine.

Pamjet e rrëshqitjes janë publikuar në rrjetet sociale nga kryetari i Partisë Demokratike, Sali Berisha, i cili e ka komentuar ngjarjen me fjalët:
“Në Theth shembet mali!”

Shkaku i shembjes ende nuk është bërë i ditur, ndërsa deri tani nuk raportohen dëme në njerëz apo në banesa, pasi rrëshqitja ndodhi në një zonë të largët nga vendbanimet.

Banorët dhe vizitorët e zonës janë tronditur nga ajo që ndodhi, ndërsa autoritetet pritet të japin një reagim zyrtar për situatën.